लोकसेवाले माग्यो २१६ सहसचिव, ४७२ उपसचिव

समाधान संवाददाता २०७६ असोज ३० गते १३:४४

समाधान संवाददाता
काठमाडौं

लोक सेवा आयोगले सहसचिव र उपसचिव पदमा बुधबार विज्ञापन खुलाएको छ ।

निजामती सेवाको प्रशासनतर्फ १ सय ८१ सहसचिव र ३ सय ९३ उपसचिव तथा स्वास्थ्य सेवातर्फ ३५ जना सहसचिव र ७९ उपसचिवका लागि विज्ञापन गरिएको हो । स्वास्थ्य सेवामा नवौं र एघारौं तहमा विज्ञापन खुलाइएको हो । आयोगले प्राविधिक र अप्राविधिक पदका लागि एकै पटक ठूलो संख्यामा विज्ञापन गरेको छ ।

योग्यता पुगेकाले मंसिर ३ गतेसम्म दरखास्त दिन सक्ने आयोगले निकालेको सूचनामा उल्लेख छ । दरखास्त फारम आयोगको वेबसाइटबाट डाउनलोड गर्न सकिन्छ । दरखास्त काठमाडौंस्थित केन्द्रीय कार्यालय र उपत्यका बाहिरका आयोगका कार्यालयमा पेस गर्न सकिने व्यवस्था मिलाइएको आयोगले जनाएको छ । दरखास्त शुल्क प्रथम श्रेणीका लागि १ हजार ५ सय रूपैयाँ र दोस्रो श्रेणीका लागि १ हजार २ सय रूपैयाँ तोकिएको छ ।

तपाईको प्रतिक्रिया