छठको अवसरमा प्रदेश २ मा सार्वजनिक बिदा

समाधान संवाददाता २०७६ कार्तिक १५ गते १५:५८

समाधान संवाददाता, काठमाडाैं

प्रदेश नम्बर २ ले छठ पर्वको अवसरमा आइतबार सार्वजनिक बिदा दिएको छ ।

यस वर्ष छठ कात्तिक १६ (शनिबार) र १७ गते (आइतबार) परेको छ । प्रदेश सरकारले आफ्नो क्यालेन्डरमा दुवै दिन बिदा दिने उल्लेख गरेको छ ।

संघीय सरकारले पहिलो दिन मात्रै बिदा दिए पनि मधेसी समुदायमा छठलाई विशेष पर्वका रुपमा मनाइने भएकाले प्रदेश सरकारले दुई दिन बिदा दिएको हो ।

छठमा साँझ अस्ताउँदो सूर्यलाई जलाशयमा उभिएर पूजासहित अर्घ दिएपछि रातभर नदी तथा तलाउ किनारमा बसी भजन कीर्तन गर्दै भोलिपल्ट सप्तमीका दिन बिहान उदाउँदो सूर्यलाई पुनः अर्घ दिई पूजा विसर्जन गरिन्छ ।

यो पर्वमा षष्ठी भगवतीको पूजा अर्चना गरी पुत्र, पति र परिवारको कल्याणको कामना गर्ने गरिन्छ ।

तपाईको प्रतिक्रिया