समाधान संवाददाता, पाेखरा

पोखराको दुई ठाउँमा शंकास्पद वस्तु भेटिएको छ ।

पोखरा १७ विरौटा र तालचोकमा शंकास्पद वस्तु भेटिएको हो ।

तालचोकमा बिहान भेटिएको शंकास्पद वस्तु नेपाली सेनाको टोलीले डिस्पोज गरेको हो । त्यसलगत्तै विरौटाको सञ्चयकोष भवन अगाडि मुख्य सडकमै शंकास्पद वस्तु भेटिएको हो ।

तालचोकमा भेटिएको शंकास्पद वस्तु बम नभएको सेनाले पुष्टि गरेको छ ।

त्रसित बनाउनका लागि मात्रै शंकास्पद रूपमा रातो टेप बेरेर राखिएको र त्यसभित्र बम नरहेको सेनाले जनाएको हो । विरौटामा पनि त्यस्तै हुनसक्ने अनुमान छ । शंकास्पद वस्तु कसले राखेको भन्ने यकिन छैन ।