रसुवामा एक किलो सुनसहित दुई महिला पक्राउ

समाधान संवाददाता २०७६ मंसिर ९ गते १२:४६

समाधान संवाददाता, पाेखरा

रसुवा प्रहरीले एक किलो सुनसहित दुई जना महिला भरियालाई पक्राउ गरेको छ।

केरुङबाट नेपाल आउँदै गरेका रसुवा गोसाइकुन्डका दुई महिलालाई सोमबार बिहान ९ बजे सुनसहित पक्राउ गरिएको जिल्ला प्रहरी कार्यालय रसुवाले जनाएको छ।

रसुवागढीको मितेरी पुलनजिक रहेको प्रहरी चेकपोस्टले खोज तलासी गर्ने क्रममा सुन भेटेको थियो। प्रहरीका अनुसार ती दुई महिला कात्तिक ७ गते केरुङ हिँडेका थिए।

बरामद सुन र महिलामाथि अनुसन्धान थालिएको प्रहरीले जनाएको छ।

तपाईको प्रतिक्रिया