समाधान संवाददाता, पाेखरा

नेपाली कांग्रेस पोखरा ९ की सभापति उमाकुमारी ठकुरीले पदबाट राजीनामा दिएकी छन् । उपनिर्वाचनमा पोखरा ९ मा कांग्रेसले पराजय भोगेपछि नैतिकताको आधारमा राजीनामा दिएको उनले प्रकाशन गरेको विज्ञप्तिमा उल्लेख छ ।

उपनिर्वाचनमा पार्टी संरचना, काम गर्ने तौरतरिका र वर्तमान अवस्थामा वडा तहदेखि संगठनको अवस्था मजबुत नभएको उनले राजीनामा पत्रमा स्वीकार गरेकी छन् । सभापति ठकुरीले नेपाली कांग्रेस, कास्की क्षेत्र नं. २ उपनिर्वाचन परिचालन समिति संयोजक वीरेन्द्रनारायण बिजुक्छेसमक्ष राजीनामा दिएकी हुन् ।

पदबाट राजीनामा दिएको बताउँदै पार्टी र संगठनमा थप क्रियाशील भएर लाग्ने उनले बताएकी छन् । विज्ञप्तिमा उल्लेख छ, ‘जुन भरोषा र विश्वासका साथ पोखरा ९ का क्रियाशील सदस्य, नेता, मेरा अग्रजहरूले विश्वास गरेर वडा सभापतिको जिम्मेवारी प्रदान गर्नुभएको थियो । मलाई लाग्छ पछिल्लो बिसम परिस्थितिमा मैले गरेका कार्य समय परिस्थिति अनुरुप उत्रिन सकिन कि?’

राजीनामा पत्रमा उनले जिम्मेवारीभन्दा बाहिर रहेर पनि पार्टीप्रतिको निष्ठा र आस्था तथा भरोसा उत्तिकै राखेर काम गर्ने प्रतिवद्धता जनाएकी छन् । ‘पोखरा ९ मा जुन मत आउनुपथ्र्यो आउन सकेन, यसमा मेरो पनि कमजोरी भयो होला, आगामी दिनमा यस्तो नहोस्’, उनले भनेकी छन् । सभापति ठकुरीले पार्टीभन्दा व्यक्ति ठूलो हुनै नसक्ने जनाएकी छन् ।