न्युजिल्यान्ड पठाउन लागिएको लागु औषध बनाउने रसायनसहित चिनिया पक्राउ

समाधान संवाददाता २०७६ मंसिर २३ गते १७:५०

समाधान संवाददाता

लागुऔषध नियन्त्रण ब्युरोबाट खटिएको प्रहरी टोलीले लागुऔषध बनाउने रसायन इफेड्रिनसहित चाइनिज नागरिकलाई पक्रेको छ । राहदानी नम्बर इ ७३९०५८३७ वाहक ३१ वर्षीय जन्ग चाओलाई काठमाडौं १६ बाट शुक्रबार पक्राउ गरिएको हो ।

चाओलाई कार्गोबाट पक्राउ गरिएको लागुऔषध ब्युरोका निमित्त कार्यालय प्रमुख एसपी वीरेन्द्रकुमार बस्यालले जानकारी दिए । न्युजिल्यान्ड पठाउन भनी चीनबाट ल्याएको नीलो रङको कागजको डिब्बाभित्र रंगिन चित्र रहेका १० वटा काठका फ्रेममा इफेड्रिन फेला परेको हो ।

शंका लागि चेक गर्ने क्रममा फ्रेममा फल्स बटम बनाइ लुकाइ राखिएको पदार्थ फेला परेको बस्यालले बताए । इफेड्रिन चाओले चीनबाट नेपाली २ लाख २५ हजार रुपैयाँमा किनेको प्रहरीलाई बयान दिएका छन् । त्यो इफेड्रिन न्युजरल्याडमा नेपाली ५० लाख रुपैयाँ बेच्ने तयारी भएको प्रहरीलाई चाओले बयान दिएका छन् ।

तपाईको प्रतिक्रिया