समाधान संवाददाता
पोखरा

मन्टेसरी एसोसियसन कास्कीको आयोजनामा दास्रो चाइल्ड ट्यालेन्ट सो भएको छ । कास्की जिल्लाका ३६ वटा मन्टेसरीका ४ सय १४ विद्यार्थीले आफ्नो प्रस्तुति राखेका थिए ।

कार्यक्रममा गण्डकी प्रदेशका आर्थिक मामिला तथा योजनामन्त्री किरण गुरुङले बालबालिकाको प्रस्तुति निकै राम्रो रहेको बताउँदै बालबालिकालाई अवसर दिने हो अन्तर्राष्ट्रिय रुपमा उत्कृष्ट बन्न सक्ने उल्लेख गरे । पोखराका मेयर मानबहादुर जिसीले मन्टेसरी एसोसियसनले बालबालिकाको प्रतिभा प्रस्फुटन गराएर उनीहरुको क्षमता विकासमा खेलेको भूमिकाको प्रशंसा गरे ।

संस्थाका अध्यक्ष मीलन केसीको अध्यक्षतामा भएको कार्यक्रममा उपाध्यक्ष सालबी बास्तोलाले स्वागत र संस्थाका सचिव सावित्री मोक्तानले सञ्चालन गरेका थिए ।