समाधान संवाददाता, पाेखरा

कास्की, पोखरा महानगरपालिका-१४ चाउथेमा ग१ख ९४०५ नम्बरको बस, ग२च २७२६ नम्बरको जिप र ग१६प ९५३७ नम्बरको मोटरसाइकल आपसमा ठोक्किँदा बुधबार बिहान दुर्घटना हुँदा दुई जनाको मृत्यु भएको छ।

मोटरसाइकल चालक तनहुँ घर भएका १९ वर्षीय रोनश गुरुङ र जीप चालक पोखरा महानगरपालिका घर भएका ३६ वर्षीय सरोज लामाको पश्चिम क्षेत्रीय अस्पताल गण्डकीमा उपचारको क्रममा मृत्यु भएको प्रहरीले ज‍नाएको छ।

दुर्घटनामा घाइते भएका जीपमा सवारमध्ये एक जनाको मणिपाल अस्पताल र अन्य एक जनाको पश्चिम क्षेत्रीय अस्पताल गण्डकीमा उपचार भइरहेको छ।

तीन वटै सवारी साधन र बस चालकलाई प्रहरीले नियन्त्रणमा लिएको छ।