शिक्षासेवी गुरुङको निधन

समाधान संवाददाता २०७६ माघ ७ गते १२:०१

समाधान संवाददाता, पोखरा

पृथ्वीनारायण क्याम्पसका पूर्व प्रमुख गणेशबहादुर गुरुङको सोमबार निधन भएको छ । उनले पोखराका विभिन्न पुराना क्याम्पसका प्रमुख र व्यवस्थापन समितिमा रहेर काम गरेका थिए ।

८१ वर्षीय गुरुङ पर्वत फलेबास नगरपालिका ८ चारभन्ज्याङमा जन्मिएका हुन् । तत्कालीन राजपरिषद स्थायी समिति सदस्य, तमुधिं नेपालका संस्थापक एवं प्रमुख सल्लाहकार, चारभन्ज्याङ तमु समाजका प्रमुख सल्लाहकारसमेत भएर उनले काम गरेका थिए । गुरुङका श्रीमती, १ छोरा र २ छोरी छन् ।

गुरुङको निधनमा तमु धिं नेपाल, तमु समाज युके परिवारले शोक वक्तव्य प्रकाशन गरी दुःख व्यक्त गरेका छन् । उनको सोमबारै लामा परम्परा अनुसार अन्त्येष्टि गरिएको छ ।

तपाईको प्रतिक्रिया