समाधान संवाददाता, काठमाडाैं

नेपाल कम्युनिष्ट पार्टी नेकपाले पूर्वउपसभामुख समेत भइसकेकी सांसद शिवमाया तुम्बाहाङ्फेलाई केन्द्रीय सदस्यमा मनोनीत गरेको छ।

शिवमायाले उपसभामुख बनेपछि पार्टी सदस्यता त्याग गरेकी थिइन्। सभामुख र उपसभामुख पदमा निर्वाचित भएपछि दलगत आबद्धता त्याग्नुपर्ने संवैधानिक प्रावधान छ।

पार्टीले केन्द्रीय सदस्य मनोनीत गरेपछि आजदेखि सुरु भएको केन्द्रीय समिति बैठकमा उनले भाग लिन पाउने छिन्।

उनी एकीकरण भएर नेकपा बन्नु अघि एमालेकी केन्द्रीय सदस्य थिइन्।

एउटै पार्टीबाट सभामुख र उपसभामुख बनाउन नपाइने संवैधानिक प्रावधानका कारण पार्टीले अग्नि सापकोटालाई सभामुख बनाउने निर्णय गरेपछि तुम्बाहाङ्फेले राजीनामा दिएकी थिइन्।