‘आदित्यध्वज जोशी स्मृति पुरस्कार २०७६ पत्रकार हरि बास्तोलालाई

समाधान संवाददाता २०७६ फागुन ९ गते १३:३७

समाधान संवाददाता
पोखरा

पोखरामा कार्यरत पत्रकार हरि बास्तोला ‘आदित्यध्वज जोशी स्मृति पुरस्कार २०७६ बाट’ पुरस्कृत भएका छन् । राससको ५९ औँ वार्षिकोत्सवका अवसरमा काठमाडौँमा आयोजित कार्यक्रममा महिला, बालबालिका तथा ज्येष्ठ नागरिकमन्त्री पार्वत गुरुङले बास्तोलालाई उक्त पुरस्कारबाट पुरस्कृत गरे ।

नेपाल राष्ट्रिय कर्मचारी संगठन, राससबाट सञ्चालित सोही पुरस्कारबाट राससका सम्पादन सहयोगी विष्णुप्रसाद लामिछानेसमेत पुरस्कृत भए । पुरस्कारको राशि जनही ५ हजार ५ सय ५५ छ ।

पत्रकार बास्तोला २०४५ सालदेखि निरन्तर रुपमा रासस पोखरा कार्यालयमा कार्यरत छन् । यस अघि राससको वर्ष उत्कृष्ट आलेख पुरस्कारका साथै नेपाल पत्रकार महासंघ एवं प्रेस सम्बद्ध संघ संस्थाबाट उनी सम्मानित भइसकेका छन् ।

राससका तत्कालीन व्यवस्थापक स्व.आदित्यध्वज जोशीको काठमाडौं नयाँसडकस्थित घरबाट २०१८ साल फागुन ७ गतेदेखि राससको सेवा सुरु भएको थियो ।

संगठनले २०६६ सालदेखि उक्त पुरस्कार स्थापना गरेको हो । राससले आफ्नो वार्षिकोत्सवका अवसरमा केन्द्र तथा ७ वटै प्रदेशमा कार्यक्रम आयोजना गरी विभिन्न पुरस्कार प्रदान गरेको थियो ।

तपाईको प्रतिक्रिया