चैत मसान्तसम्म मनकामना केबलकार बन्द

समाधान संवाददाता २०७६ चैत ६ गते १६:०२

समाधान संवाददाता, पाेखरा

शनिबारदेखि लागू हुने गरी मनकामना केबलकार चैत मसान्तसम्म बन्द गर्ने निर्णय गरिएको छ ।

विश्वव्यापी रुपमा फैलिएको कोरोनाको भाइरसलाई मध्यनजर गर्दै मनकामना केबलकार बन्द गर्ने निर्णय गरिएको मनकामना दर्शन प्रालिका नायव महाप्रबन्धक डीएन कायस्थले जानकारी दिए ।

उच्चस्तरीय समितिले भिडभाड नगर्न र भिडभाडयुक्त कार्यक्रम र जमघट बन्द गर्ने निर्णय गरेपछि जिल्ला प्रशासन कार्यालय चितवनले केबलकार पनि बन्द गर्न निर्देशन दिएको थियो ।

गोरखाको मनकामना मन्दिर दर्शनका लागि दैनिक सयौं जनाले यो केबलकारको प्रयोग गर्ने गर्छन् भने मन्दिरमा पनि भिड लाग्ने गर्छ ।

तपाईको प्रतिक्रिया