समाधान संवाददाता

गण्डकी प्रदेश सरकारले स्थानीय तहलाई राहतस्वरुप ६ करोड ५० लाख रुपैयाँ दिने भएको छ । मंगलबार दिउँसो बसेको ३६ औं मन्त्रिपरिषद् बैठकले प्रदेशका ८५ वटै स्थानीय तहलाई राहतस्वरुप सो रकम दिने निर्णय गरेको सरकारका प्रवक्ता एवं भौतिक पूर्वाधार विकासमन्त्री रामशरण बस्नेतले जानकारी दिए ।

प्रदेशले राहतस्वरुप पोखरा महानगरपालिकालाई सबैभन्दा धेरै १ करोड रुपैयाँ दिने भएको छ । प्रदेशभित्रका २६ नगरपालिकालाई १०/१० लाखका दरले २ करोड ६० लाख र ५८ वटा गाउँपालिकालाई ५/५ लाखका दरले २ करोड ९० लाख रुपैयाँ राहत दिने प्रवक्ता बस्नेतले जानकारी दिए ।

यो राहत रकमले दैनिक ज्यालादारी गर्ने परिवार भोकै बस्न नपर्ने विश्वास प्रदेश सरकारको छ । स्थानीय तहले गरिब परिवारको पहिचान गरेर विनियाजित रकमको जिन्सी सामाग्री दिने उनले बताए। गण्डकी प्रदेश सरकारले कोरोना रोकथामका लागि कोष स्थापना गरेको छ । सो कोषमा हालसम्म ६२ लाखभन्दा बढी रकम जम्मा भएको मुख्यमन्त्री तथा मन्त्रिपरिषद्को कार्यालयले जनाएको छ ।

भिडियो

https://youtu.be/KxadE0Od_PU