पोखरा ।
मनाङको निस्याङ गाउँपालिका ५ मा संकलन गरिएको थ्रोट स्वाब सदरमुकाम पु¥याउन स्वास्थ्यकर्मीले अस्वीकार गरेका छन् । सदरमुकाम चामेबाट गएका स्वास्थ्यकर्मीले नमुना संकलन गरे पनि लैजाने काम आफ्नो नभएको भन्दै फर्केका थिए ।

वडाध्यक्ष कर्माछिरिङ गुरुङले जति अनुरोध गरे पनि ती स्वास्थ्यकर्मीले स्वाब लैजान नमानेपछि मंगलबार संकलन गरिएको नमुना बुधबार स्थानीय बासिन्दाले सदरमुकाम पु¥याएको जानकारी दिए ।

भारतबाट मनाङ फर्केकी १ युवतीलाई १७ दिनदेखि क्वारेन्टाइनमा राखिएको छ । उनमा समस्या छ कि छैन भन्ने निक्र्योल गरेर मात्र घर पठाउने भनिए पनि समयमै परीक्षण हुन नसक्दा कहिलेसम्म क्वारेन्टाइनमा राख्ने आफूहरु अलमलमा परेको वडाध्यक्ष गुरुङले बताए ।

नमुना लैजान नमान्ने ती कर्मचारीका बारेमा प्रमुख जिल्ला अधिकारीलाई जानकारी गराइएको वडाध्यक्षले बताए । प्रजिअ पुष्प पौडेलले प्राविधिक समस्याका स्वास्थ्यका कर्मचारीले नमुना ल्याउन कठिनाइ भएको तर अहिले नमुना सदरमुकाम आइसकेको बताए । तर उनलाई के समस्या परेको भन्ने बारेमा प्रजिअ पौडेलले केही खुलाएनन् ।

मनाङको सदरमुकाममा १ जनाको नमुना संकलन भइसकेको र तालमा पनि १ जनाको नमुना लिएर ३ वटैको परीक्षणका लागि गाडीमार्फत पोखरा पठाउन लागिएको प्रजिअ पौडेलले बताए । मनाङमा हाल ४ जना क्वारेन्टाइनमा राखिएको छ । सदरमुकाम चामेमा स्थायी र अस्थायी गरी ७ वटा आइसोलेसन वार्ड तयारी अवस्थामा राखिएको छ ।