तानसेनमा कृषि एम्बुलेन्स सुरु, जनताको घर घरमा तरिकारी पुर्याउदै नगरपालिका

समाधान संवाददाता २०७७ वैशाख ८ गते ९:४८

समाधान संवाददाता

लक डाउनका कारण आहातमा परेका कृषक र जनता दुवै सहयोग पुग्ने गरी पाल्ला जिल्लाको तानसेन नगरपालिकाले कृषि एम्बुलेन्स सेवा सुरु गरेको छ । यो एम्बुलेन्सले कृृषकको घरमा पुगेर तरकारी ल्याउने र उपभोक्ताको घर घर पुर्याउने काम गरिरहेको छ । यसो हुँदा तरकारी उत्पादक किसान उत्पादन नबिकेर हैरान हुनु परेको छैन भने उपभोक्ता ताजा तरकारी खानबाट बञ्चित हुनु परेको छैन ।

नगरपालिका मातहतको तानसेन युवा परिषद्‍ले कृषकको तरकारी ल्याउने र उपभोक्ताको घर घरमा पुर्याउने कामको नेतृत्व गरेको छ । तरकारी सुपथ मुल्यमै घर(घरमा उपलब्ध गराइएको छ । तानसेनको मदन पोखरा र आसपासको क्षेत्र तरकारी उत्पादनका लागि परिचित क्षेत्र हो ।

तानसेन युवा परिषदले किसानबाट ल्याएको तरकारीका दुई थरी पोका बनाउने गरेको छ, जसको मूल्य ५० रुपैया र सय रुपैया छ ।

किसान र उपभोक्ताबीच समन्वय काम गरिरहेको तानसेन तानसेन युवा परिषद्का अध्यक्ष गुराँस आत्रेयले जानकारी दिएका छन । लकडाउनका कारण किसानले उत्पादन गरेको तरकारी बिक्री नहुँने र उपभोक्ताले तरकारी नपाउने समस्या आएपछि आफूहरुले सहजीकरण गरेको नगरपालिकाले जनाएको छ ।

तरकारी एक सय र ५० रुपैयाँका पोकामा उपलब्ध गराइएको छ । तरकारी एम्बुलेन्समार्फत तरकारी बितरण गरिने र तरकारी एम्बुलेन्स शहरी क्षेत्रका उपभोक्ताका घरघरमा पुग्नेछ । एक परिवारले फरक फरक ३ पोकासम्म किन्न पाउने व्यवस्था गरिएको छ ।

पोकामा समावेश गरिएका तरकारीमा काउली प्रतिकिलो २०, बन्द प्रतिकिलो १० रुपैयाँ, काक्रो प्रतिकिलो ३५ रुपैैयाँ कायम गरिएको छ । तरकारीको मूल्य किसानले निर्धारण गरे अनुसार नै हुनेछ । नगरपालिकाले संगम मदनपोखरा कृषि सहकारीको सहयोगमा तानसेन युवा परिषद् पाल्पाको संयोजनमा काम थालेको नगर प्रमुख अशोककुमार शाहीले बताएका छन् ।

तरकारी एम्बुलेन्स बिहान ९ बजेदेखि ११ बजेसम्म टुँडिखेल, नारायणस्थान, सित्तलपाटीलगायतका क्षेत्रका घरघरमा पुग्नेछ । अग्रिम आवश्यकता भएमा परिषद्का अध्यक्ष गुराँस आत्रेयलाई र महासचिव धनु घिमिरेलाई सम्पर्क गर्न भन्दै नगरपालिकाले उनीहरुको मोवाइल नम्बर नै जनतालाई उपलब्ध गराएको छ । नागरिक खबरबाट

तपाईको प्रतिक्रिया