पाेखरा

लकडाउनका बेला पाेखराकाे ला ग्राण्डी इनटरनेसनल कलेजले अनलाइन कक्षा तथा सेमिनार सञ्चालन गरेको छ ।

लकडाउनको समयमा पनि शिक्षण सिकाई क्रियाकलापलाई निरन्तरता दिँदै उक्त कलेजले असहज परिस्थितिमा पनि अनलाइन कक्षाहरु सञ्चालन गरेको हो ।

स्कुल, कलेज, ब्यापार ब्यवसाय, कलकारखाना, बैंक आदि सम्पूर्ण बन्द भएको अवस्थामा पनि बिसिए, बिबिए र बिपिएचको अध्यापन गराउने प्रविधिमत्री उक्त कलेजले लकडाउनको समयमा प्रविधिको उचित उपयोग गर्दै नियमित शिक्षकहरुबाट शैक्षिक गतिबिधि सञ्चालन गर्नुका साथै विभिन्न विधाका विशेषज्ञहरुबाट समेत वेबिनार सञ्चालन गरिरहेको छ ।

हालै मात्र विद्यार्थीहरुको अनलाइन पठनपाठनका अलावा व्यवहारिक र व्यावसायिक ज्ञान र सीप विकासका लागि श्रोत व्यक्तिहरु क्षितीज पुरी, राजन कोइराला र रेनुका ढकालद्वारा क्रमशः ब्यवसायिक दक्षता तथा नयाँ व्यवसाय संचालनका चुनौती, संवेज्ञात्मक ज्ञान अभिबृद्द्धि र विश्व स्वास्थ्य संगठनले निर्देश गरेको स्वास्थ्य सम्बन्धी विभिन्न विषयहरुमा वेबिनार सम्पन्न भैसकेको छ ।

समयको आवश्यकतासंगै विद्यार्थी एवं शिक्षकहरुको समयको उचित सदुपयोग गर्दै सीप विकासका लागि थप बिशेषज्ञहरुलाई सम्पर्क गरिसकेको र कलेजका यस्ता गतिबिधि निरन्तर जारी राख्ने कलेजका प्रिन्सिपल किरण केसीले जानकारी दिए ।