लेखनाथ

पोखरा महानगरपालिका वडा नंं ३१ मा रहेको कुर्लुङ खोला खानेपानी आयोजना तथा सरसफाई मुल उपभोक्ता समितिले आÇना उपभोक्ताहरुलाई चैत महिनामा १० युनिट बराबरको शुल्क मिनाह गर्ने भएको छ ।

उपभोक्ता समितिको बुधबार बसेको बैठकले उपभोक्ताहरुलाई १० युनिट बराबरको १ सय ७५ रुपैयाँ छुट दिने निर्णय गरेको व्यवस्थापक हरिप्रसाद घिमिरेले जानकारी दिए ।

कोरोनाका कारण उपभोक्ताहरु प्रभावित भएको भन्दै, शुल्क छुटको निर्णय गरिएको घिमिरेले बताए । १० युनिट बराबरको रकम छुट गर्दा ७२ हजार २ सय ७५ रुपैयाँ संस्थालाई व्ययभार पर्ने घिमिरेले बताए । आयोजनाबाट पोखरा महानगरपालिकाको वडा नंं ३१ का पहाडी भेग तथा बेगनासताल क्षेत्रका ४ सय १३ घरपरिवार लाभान्वित हुँदै आएका छन् ।

२०६९ सालदेखि सचालमा आएको खानेपानी आयोजना कास्की रुपा गाउँपालिका हंसपुरको कुर्लुङ खोला मुहान रहेको छ ।