मादीका आगलागी पीडितलाई गाउँपालिकाको सहयोग

समाधान संवाददाता २०७७ वैशाख २५ गते २०:२६

मादी

आगलागीबाट घर जलेपछि कास्कीकाे मादी गाउँपालिका वडा नं. १ सिक्लेस निवासी दुर्गा परियारको परिवारलाई गाउँपालिकाले सहयाेग गरेकाे छ ।

गाउँ पालिकाको अध्यक्ष वेदबहादुर गुरुङले पीडित परिवारलाई बिहीबार राहत उपलब्ध गराएका हुन् । परियारकाे परिवारलाई नगद २० हजार , ५० किलाे चामल साथमा दाल, चिनी र तेल प्रदान गरिएकाे हाे ।

परियारको घरमा वैशाख २० गते विद्युत लाइन सर्ट भएर आगलागी भएको थियो । उक्त आगो स्थानीयको सहयोगमा करिब २ घन्टापछि नियन्त्रणमा आएको थियो ।  घर पूर्णरुपमा जले पनि घटनामा मानवीय क्षति भने भएको छैन ।

तपाईको प्रतिक्रिया