सराङकोटका राजु फेवातालमा मृत भेटिए

समाधान संवाददाता २०७७ वैशाख २८ गते १२:३४

समाधान संवाददाता

फेवातालमा आइतबार बिहान एक पुरुषको शव फेला परेको छ ।

पोखरा–१८ सराङकोटका ४० वर्षीय राजु बास्तोला मृत भेटिएको वडा प्रहरी कार्यालय बैदामका डिएसपी यादब ढकालले जानकारी दिए ।

स्थानीयले हल्लनचोकको सामुदायिक प्रहरी केन्द्र नजिकै ताल किनारमा शव तैरिरहेको देखेपछि प्रहरीलाई खबर गरेका थिए ।

उनको शवलाई पोष्टमार्टमका लागि पश्चिमाञ्चल क्षेत्रीय अस्पताल लगिएको छ ।

यसअघि गएको शुक्रबार तालमा डुबेर एक युवकको मृत्यु भएको थियो । उनको हालसम्म पहिचान खुल्न नसकेको डिएसपी ढकालले बताए ।

तस्बिर सौजन्य-सुवास पहारी

तपाईको प्रतिक्रिया