मृगको मासु र हतियारसहित ४ जना पक्राउ

समाधान संवाददाता २०७७ वैशाख ३१ गते १७:३६

पाेखरा

पोखरा महानगरपालिका-३१ बिनेरीकुनाबाट भरुवा बन्दुक १ थान, सोको गोली १ थान, म्याग्जिन १ थान र मृगको मासु ६ केजी सहित ४ जनालाई मंगलबार साँझ प्रहरीले पक्राउ गरेको छ ।

पक्राउ पर्नेहरुमा पोखरा महानगरपालिका-३१ बिनेरीकुना बस्ने ५४ वर्षीय आइते पोडे, ३८ वर्षीय राजकुमार पोडे, २७ वर्षीय सरल न्यौपाने र ३९ वर्षीय गणेश गौतम छन् ।

आइतेको घरमा मृग मारेको भन्ने खबर प्राप्त हुनासाथ इलाका प्रहरी कार्यालय शिशुवाबाट खटिएको प्रहरीले पक्राउ गरेको जिल्ला प्रहरी कार्यालय कास्कीका प्रवक्ता इन्स्टपेक्टर नरहरि अधिकारीले जानकारी दिए ।

उनको घर तलासी गर्ने क्रममा उनीहरुलाई मृगको मासु भाग लगाइरहेको अवस्थामा फेला पारी पक्राउ गरेको हो । साथै आइतेको घरबाट लुकाइछिपाइ राखेको उक्त हातहतियार समेत प्रहरीले बरामद गरेको हो ।

तपाईको प्रतिक्रिया