विश्वभर काेराेनाले ३ लाख ११ हजारकाे मृत्यु सवा ४६ लाख संक्रमित

समाधान संवाददाता २०७७ जेठ ४ गते ६:३०

पाेखरा

काेभिड १९ ले विश्वभर ३ लाख ११ हजार ४ सय २५ जनाकाे मृत्यु भएको छ। जोन हप्किन्स विश्वविद्यालयले प्रकाशित गरेको आइतबार बिहानसम्मको तथ्यांक अनुसार ४६ लाख २९ हजार ५ सय ७५ जनामा कोरोना संक्रमण पुष्टि भएको छ।

संक्रमितको संख्या अमेरिकामा सबैभन्दा बढी छ। त्यहाँ १४ लाख ६६ हजार ६ सय ८२ जनामा संक्रमण पुष्टि भएको छ।

त्यस्तै, रुसमा २ लाख ७२ हजार ४३, बेलायतमा २ लाख ४१ हजार ४ सय ६१, ब्राजिलमा २ लाख ३३ हजार १ सय ४२, स्पेनमा २ लाख ३० हजार ६ सय ९८, इटालीमा २ लाख २४ हजार ७ सय ६० हजारमा कोरोना संक्रमण पुष्टि भएको छ।

बढी मृत्यु हुने देशको सूचीमा पनि अमेरिका नै अगाडि छ। त्यहाँ ८८ हजार ७ सय ३० जनाको मृत्यु भइसकेको छ।

त्यस्तै, बेलायतमा ३४ हजार ५ सय ४६, इटालीमा ३१ हजार ७ सय ६३, स्पेनमा २७ हजार ५ सय ६३, फ्रान्समा २७ हजार ५ सय ३२, ब्राजिलमा १५ हजार ६ सय ३३ जनाको मृत्यु भइसकेको छ।

विश्वभर १६ लाख ९१ हजार ६ सय १३ संक्रमित अहिले संक्रमणमुक्त भएका छन्। संक्रमणमुक्त हुने देशको सूचीमा पनि अमेरिका नै अघि छ। त्यहाँ २ लाख ६८ हजार ३ सय ७६, जर्मनीमा १ लाख ५२ हजार ६ सय, स्पेनमा १ लाख ४६ हजार ४ सय ४६, इटालीमा १ लाख २२ हजार ८ सय १० जना संक्रमणमुक्त भएका छन्।

तपाईको प्रतिक्रिया