सूर्य नेपालद्वारा शुक्लागण्डकी कोरोना कोषमा १० लाख सहयोग

समाधान संवाददाता २०७७ जेठ ९ गते १९:३०

समाधान संवाददाता
दुलेगौंडा, ९ जेठ


तनहुँको शुक्लागण्डकी नगरपालिका वडा नंं ७ स्थित सेरोटारमा अवस्थित बहुराष्ट्रिय सूर्य नेपाल प्रालिले शुक्लागण्डकी कोरोना राहत कोषमा १० लाख रुपैया सहयोग गरेको छ ।


शुक्रबार कारखानाका प्रबन्धक बाबुराम कार्कीले नगर प्रमुख किसान गुरुङलाई सो रकम बराबरको चेक प्रदान गरेका हुन् । सो अवसरमा उपमेयर सविता रसाइली, प्रमुख प्रशासकीय अधिकृत गंगालाल सुवेदी, वडा नं. ७ का अध्यक्ष रामबहादुर क्षेत्री थापा लगायतको उपस्थिति थियो ।

Advertisement

कम्पनीको सामाजिक उत्तरदायित्व अन्र्तगत नगरको कोषमा सहयोग गरिएको प्रबन्धक कार्कीले उल्लेख गरे । सिमरामा मुख्य कारखाना रहेको सूर्य नेपालले शुक्लागण्डकीमा २०७१ सालमा उद्योग सञ्चालन गरिएको हो ।


नगरपालिकाको अभियानमा सहयोग गरेकामा मेयर गुरुङले धन्यवाद दिए । नगरपालिकाले खडा गरेको कोरोना कोषमा विभिन्न व्यक्ति तथा संघसंस्थाले सहयोग गर्ने क्रम बढिरहेको छ ।

Advertisement

नगरपालिकाका प्रवक्ता खिमबहादुर कुमालका अनुसार उक्त कोषमा हालसम्म करिब १६ लाख रुपैयाँ जम्मा भएको छ । उक्त कोषमा नगरपालिकाको तर्फबाट ६० लाख विनियोजन गरिएको छ ।

तपाईको प्रतिक्रिया