समाधान संवाददाता

फिस्टेल अस्पतालमा मृत्यु भएकी पोखरा–४ सिद्धार्थचोककी मिरा मुल्मीको शव आफन्तले बुझेका छन् । शुक्रबार विहान पेट दुखेर अस्पताल गएकी मिराको इन्जेक्शन लगाए लगत्तै मृत्यु भएको भन्दै आफन्तले शव बुझ्न मानेका थिएनन् ।

शुक्रबार विहान नौ बजे पेट दुखेकाले श्रीमान प्रदिप मुल्मीसंगै अस्पताल गएकी मिराको उपचार कै क्रममा मृत्यु भएको थियो । उनका आफन्तले इन्जेक्शन लगाउना साथ मृत्यु भएकाले उपचारमा गडबडी हो की भन्ने आशंका गरेका थिए ।

दिउसो आफन्त, चिकित्सक र अस्पताल प्रशासन बीचको वार्तामा चिकित्सकहरुले उपचार पद्धती र मिराको मृत्युको बारेमा आफन्तलाई सम्झाएका थिए । त्यसपछि अस्पताल प्रशासनले दुख व्यक्त गर्ने सहमतिमा आफन्तले शव बुझेका हुन ।

लगत्तै अस्पताल प्रशासनले विज्ञप्ति जारी गर्दै मिराको मृत्यु भएकोमा दुख व्यक्त गरेको छ । उसले मिरालाई बचाउने सक्दो प्रयास गर्दा पनि असफल भएको बताएको छ । चिकित्सकहरुले मिराको मृत्यु हृदयघातका कारण भएको आफन्तलाई बताएका थिए ।

मिराकाे शव फिस्टेल हस्पिटल कै शवघरमा राखिएकाे छ । शनिबार विहान घरमा लैजाने र शवयात्दारा तथा हसस्कार गर्ने आफन्तले जानकारी दिए ।