देउवाको ‘बोल्ड डिसिजन’, तत्काल कर नतिर्न व्यवसायीलाई आब्हान

समाधान संवाददाता २०७७ जेठ २१ गते १४:४०

समाधान संवाददाता

प्रमुख प्रतिपक्षी दलका नेता एवं नेपाली कांग्रेसका सभापति शेरबहादुर देउवाले बोल्ड डिसिजन लिदै तत्काल कर नतिर्न व्यवसायीहरुलाई आब्हान गरेका छन । यसले जेठ २५ भित्र कर उठाउने सरकारी प्रयासलाई अप्ठेरो पारेको छ ।

देउवाले जेठ २५ भित्र कर तिर्नुपर्ने सरकारी ताकेताको भद्र अवज्ञा गर्न आग्रह गरेका हुन् । आन्तरिक राजस्व विभागले जेठ २५ भित्र कर चुक्ता गर्न करदाताहरूलाई आग्रह गर्दै नतिरेमा जरिवाना लाग्ने उसले बताएको थियो ।

देउवाले लकडाउनका कारण समस्यामा परेका साना ठूला व्यवसायीहरुलाई राहत दिनुको सट्टा लकडाउनको समयमा कर तिर्न ताकेता गरेर सरकार नागरिकको पीडाप्रति असंवेदनशील बनेको आरोप लगाएका छन् ।

‘सरकारले अनुदार ढंगले ताकेता गरेकाले त्यसको भद्र अवज्ञा गर्नुभन्दा अर्को विकल्प नागरिकको रहँदैन ।’ देउवाले भनेका छन ।

देउवाले अनावश्यक खर्च नघटाएको भन्दै सरकार गम्भीर नभएको आरोप समेत लगाएका छन् । उनले पीसीआर परीक्षण गरेर साना(ठूला व्यवसाय क्रमशः सञ्चालन गर्ने कार्ययोजना नबनाएकोमा पनि रोस प्रकट गरेका छन् ।

देउवाले कर तिर्ने समयावधी थप गर्न पनि माग गरेका छन ।

तपाईको प्रतिक्रिया