समाधान संवाददाता

गण्डकी प्रदेशका मुख्यमन्त्री पृथ्विसुब्बा गुरुङले पुरानो पश्चिमाञ्चल क्षेत्रीय अस्पताल वा हालको पोखरा स्वास्थ्य विज्ञान प्रतिष्ठानमा सबै खाले विरामीको उपचार भैरहेको भन्दै भ्रम नछर्न आग्रह गरेका छन् ।

अहिले सो प्रतिष्ठानको एउटा भवन मात्र कोरोना भाइरस संक्रमित विरामीको उपचारका लागि प्रयोग भएको छ भन्दै अरु सबै खाले सेवा सञ्चालन भैरहेको मुख्यमन्त्रीले बताएका छन् ।

गण्डकी सरकारको नीति तथा कार्यक्रममाथि उठेको प्रनको जवाफ दिने क्रममा उनले हल्लाका भरमा सांसदहरुले प्रश्न उठाउन नहुने बताए ।

संघीय सरकारले नै पोखरा स्वास्थ्य विज्ञान प्रतिष्ठानलाई कोरोनाका विरामी उपचार गर्ने अस्पतालका रुपमा प्रयोग गर्ने निर्णय गरेको भन्दै आवश्यक परे पुरै अस्पताललाई कोरोना भाइरसको उपचार गर्ने अस्पतालमा रुपान्तरण गर्ने बताए ।

‘भोली चाहिन सक्छ, त्यसो भयो भने ४०० बेड नै लिनु पर्ने हुन्छ ।’ उनले भने–हामीसंग विकल्प छन, मणिपाल, गण्डकी मेडिकल कलेल लगायतका नीजि अस्पताल पनि लिन पर्ने हुन सक्छ ।’