समाधान संवाददाता

नेपालमा कोरोना भाइरस संक्रमणबाट ११ औं व्यक्तिको मृत्यु भएको छ । मृत्यु हुनेमा सुर्खेतको पञ्‍चपुरीका २८ वर्षीय पुरुष रहेको स्वास्थ्य मन्त्रालयका प्रवक्ता विकास देवकोटाले जानकारी दिए ।

मृतक पुरुष जेठ ८ गते भारतबाट आएर स्थानीय क्वारेन्टाइनमा बसेका थिए । उनी क्‍वारेन्टाइनमा १४ दिन बसेर घर फर्किएका थिए । उनको घर पुगेकै दिन मृत्यु भएको जनाइएको छ ।

योसँगै देशभर कोरोना संक्रमणबाट मृत्यु हुनेको संख्या ११ पुगेको छ ।