काठमाडौंमा उपचाररत कास्कीका ६० वर्षीय वृद्धमा कोरोना

समाधान संवाददाता २०७७ जेठ २३ गते १७:०१

समाधान संवादाता

काठमाडौंको निजी अस्पतालमा उपचाररत एक कस्केलीमा कोरोना संक्रमण पुष्टि भएको छ ।

स्वास्थ्य मन्त्रालयका प्रवक्ता विकास देवकोटाले नियमित प्रेस ब्रिफिङमा कास्की स्थायी ठेगाना भएका ६० वर्षीय वृद्धमा कोरोना देखिएको जानकारी दिए ।

उनी कास्कीको कुन ठाउँका हुन् भन्ने खुलेको छैन । प्रदेश स्वास्थ्य निर्देशनालयले बाहिरी जिल्लामा भेटिएकालाई प्रदेशको तथ्यांकमा समावेश नगरे पनि स्वास्थ्य मन्त्रालयले स्थायी ठेगानालाई नै आधार मान्ने गरेको छ ।

नेपालमा कोरोना संक्रमितको संख्या २९ सय १२ पुगेको छ । तीमध्ये हालसम्म ३३३ जना उपचारपछि निको भएका छन्।

गण्डकी प्रदेशमा भने अहिलेसम्म ५६ जनामा कोरोना पुष्टि भएको छ । तीमध्ये ३ जना निको भएका छन् ।

तपाईको प्रतिक्रिया