समाधान संवाददाता

सरकारले सार्वजनिक गरेको लकडाउनको मोडालिटीमा निजी सवारी साधनमा लागू गरिएको जोर बिजोर प्रणाली मोटरसाइकल र स्कुटरमा लागू नहुने भएको छ ।

सरकारका प्रवक्ता डा युवराज खतिवडाले बुधबारको मन्त्रिपरिषद बैठकबारे जानकारी दिँदै सार्वजनिक यातायातमाथिको प्रतिबन्ध जारी रहने बताए । निजी सवारीमा जोर बिजोर लागू भएपनि लामो दूरीमा चल्न नपाउने डा खतिवडाले जानकारी दिए ।

‘निजी सवारी साधनको हकमा उपत्यकाभित्र र बाहिरको हकमा जिल्लाभित्र मात्र जोर बिजोर प्रणालीमा निजी सवारी साधन सञ्चालन हुने छन्’, खतिवडाले भने, ‘तर निजी सवारी साधनमा चालकबाहेक बढीमा २ जनामात्र बस्न पाइने छ।’