कोरोना संक्रमितलाई बिमाको दाबी भुक्तानी दिन थालियाे

समाधान संवाददाता २०७७ जेठ ३१ गते ७:००

काठमाडाैं

सरकारले बजेटमा नै व्यवस्था गरेको कोरोना बिमा कार्यक्रमअनुसार कोरोना संक्रमितलाई दाबी भुक्तानी गरिएको छ ।

कोरोनाको कहर शुरु भएपछि सरकारले पहिलोपटक कोरोना बिमा कार्यक्रम ल्याएको थियो । सो कार्यक्रमलाई सरकारले आगामी आर्थिक वर्षको बजेटमा समेत विशेष महत्वका साथ समावेश गरेको छ । बिमा क्षत्रेको नियामक निकाय बिमा समितिका अनुसार कोरोना बीमाको पहिलो दाबी शुक्रबार भुक्तानी गरिएको छ ।

Advertisement

कोरोना बिमा गराएका कृषि विकास बैंकका एक कर्मचारीमा कोरोनाको संक्रमण पुष्टि भएपछि उनलाई शुक्रबार बिमाबापतको १ लाख रकम भुक्तानी गरिएको हो । नेको इन्स्योरेन्सले कृषि विकास बैंकको खातामा सो दाबी रकम भुक्तानी गरेको बताएको छ ।

नियामक निकाय बिमा समितिले १ हजारमा १ लाख बराबरको बिमा गर्न सकिने प्रबन्ध गरेको छ ।

Advertisement

बिमा गरेका जो कोहीलाई पनि निश्चित समयभित्र पिसिआर परीक्षणमा पोजेटिभ देखिएको अवस्थामा बिमा दाबी भुक्तानी गर्न सकिने छ । बिमा गरेका विभिन्न कम्पनीमा थप चार ओटा दाबी आएको बताइएको छ । रासस

तपाईको प्रतिक्रिया