समाधान संवाददाता

राष्ट्रिय प्रजातन्त्र पार्टीका अध्यक्ष कमल थापाले प्रतिनिधि सभामा नेकपा अध्यक्ष पुष्पकमल दाहाल प्रचण्डले दिएको अभिब्यक्ती प्रति कडा आपत्ती जनाएका छन् । उनले यसलाई विकृत र असन्तुलित मानसिकता हो भनेका छन् ।

भारतले मिचेको भूमिलाई समेटेर निशान छाप बनाउनका लागि प्रतिनिधि सभामा पेश भएको संशोधन विधेयक माथिको छलफलमा भाग लिदैं प्रचण्डले भनेका थिए–राजतन्त्रले गुमाएको जमिन गणतन्त्रले फिर्ता ल्याउदैछ । लगत्तै थापाले ट्विट गर्दै यो देश बनाउन राजसस्थाको महत्वपूर्ण भूमिका रहेको स्मरण गराएका छन् ।

राजतन्त्रलाई दोष लगाएको झोकमा थापाले प्रचण्डलाई १७ हजार नेपालीको शवमा टेकेर विदेशी कै स्वार्थमा राजा फालेको संकेत समेत गरेका छन् । थापको ट्वीट जस्ताको तस्तै

राजतन्त्रले गुमाएको भूमि गणतन्त्रले फिर्ताल्यायो भन्ने प्रचण्डको भ्रामक र पुर्वाग्रही भनाई विकृतरअसन्तुलित मानसिकता हो। १७हजारको शवमा टेकेर बिदेशी स्वार्थमा समर्पित आत्मसमर्पणवादी हुनुको अपराधवोध हो।नेपालको एकिकरणरअखण्डताको रक्षामा राजसंस्थाको महत्वपूर्ण भूमिका ऐतिहासिक सत्य हो।