पर्वतकाे पहिराेमा थप १ शब भेटियाे, ३ जनाकाे खाेजी जारी

समाधान संवाददाता २०७७ जेठ ३२ गते १०:१५

पाेखरा

पर्वतकाे कुश्मा नगरपालिका ३ दुर्लुङ ढकालबारिमा शनिबार राति गएकाे पहिराेमा परी हराएकामध्ये थप १ जनाकाे शब भेटिएकाे छ ।

याेसँगै ६ जनाकाे शव भेटिएकाे र हराएका ३ जनाकाे खाेजी जारी रहेकाे प्रहरीले जनाएकाे छ ।

Advertisement

शनिबार राति ८ बजेतिर गएकाे पहिराेमा पुरिएका स्थानीय तुलबहादुर थापा, मीन कुमारी थापा र नातिनी विविशा थापाकाे शव राति नै भेटिएकाे थियाे । तुलबहादुर र मिनकुमारी पतिपत्नी हुन् भने विविशा नातिनी हुन् ।

आइतबार बिहान भेटिएका ३ जनाकाे नाम खुलेकाे छैन ।

Advertisement

शनिबार राति २ घर बगाउँदा सम्राट थापा, दीपा थापा, विवेक थापा, कमला विक, जेनिस विक र प्रमिशा विक हराइरहेका थिए ।

राति नै घटनास्थलमा पुगेकाे आर्मी, नेपाल प्रहरी र सशस्त्र प्रहरीकाे टाेली पुगेर खाेजी र उद्धार थालेकाे थिए ।

घटनास्थल नजिकै रहेका अन्य थप ३ घर परिवार जाेखिमाा परेपछि अन्यत्र सुरक्षित स्थानमा सारिएको पर्वत प्रहरी प्रमुख डिएसपी विश्वराज अधिकारीले बताए ।

रातिमा पानी परेकाले उद्धारमा समस्या परेकाे थियाे । बिहान भने माैसम खुलेकाले सुरक्षाकर्मी र स्थानीयकाे सक्रियतामा खाेजी कार्य जारी छ ।

तपाईको प्रतिक्रिया