पाेखरा

वर्षासँगै कुश्मा नगरपालिका ३, दुर्लुङ ढकालबारीमा शनिबार राति आएको पहिरोले पुरि‌ंदा भएकाे जनधनको क्षतिप्रति राष्ट्रियसभा अध्यक्ष गणेशप्रसाद तिमिल्सिनाले दुख व्यक्त गरेका छन् ।

अध्यक्ष तिमिल्सिनाले आइतबार विज्ञप्ति जारी गरी घटनामा ज्यान गुमाउनेप्रति श्रद्धाञ्जलि व्यक्त गर्दै शोकाकुल परिवारमा समवेदना व्यक्त गरेका हुन् ।

पहिरोमा परिवार गुमाउने तथा प्रभावित परिवारको तुरुन्त उद्धार, राहत, पुनःस्थापना तथा जोखिममा परेको वरपरको बस्ती संरक्षणमा तदारुकताका साथ काम गर्न सरकार तथा सम्बद्ध अधिकारीलाई अध्यक्ष तिमिल्सिनाले आग्रह गरेका छन् ।

पहिराेमा परी हराएका ८ जनाकाे शव भेटिएकाे छ भने १ जनाकाे खाेजी भइरहेकाे छ । शुक्रबार राति ८ बजेतिर पहिराे जाँदा २ घर बगाएकाे थियाे ।