समाधान संवाददाता
पोखरा

पोखराका सामाजिक अभियन्ताको भेलाले वरिष्ठ अधिवक्ता तीलक पराजुलीको संयोजकत्वमा संंयुक्त देशभक्त मोर्चा गठन गरेको छ ।

अमेरिकी परियोजना मिलेनिनयम च्यालेञ्ज कर्पोरेसन (एमसिसी) खारेज लगायत राष्ट्रिय हितका पक्षमा नागरिक अभियान सञ्चालन गर्ने उद्देश्यले मोर्चा गठन गरिएको हो ।
अभियानको प्रवक्तामा नागरिक समाज पोखराका पूर्व संयोजक रामबहादुर पौडेल मनोनीत भएका छन् ।

अभियान सदस्यमा नरेन्द्रमान लालचन, नीरज थापा, शशि तुलाचन, गोविन्दबहादुर बस्नेत, पुष्प बराल, विष्णुप्रसाद गुरुङ, कृष्णराज अधिकारी, काजी गाउँले र सूर्यबहादुर बानियाँ रहेको प्रवक्ता पौडेलले बताए ।

भेलाले एमसिसी खारेजीका लागि दबाब दिन पोखराको सहिदचोकमा असार ६ गते बिहान साढे १० बजे शान्तिपूर्ण प्रदर्शन गर्ने निर्णयसमेत गरेको पौडेलले जानकारी दिए ।