ललितकला गुरुङ

प्रदेश सरकारको कामले संघीयताको औचित्यता पुष्टि गरिनुर्छ । तर त्यो अनुसार काम भएको छैन । क्वारेन्टाइनमा बसेकाले पानी खान पाएका छैनन् । बिरामीलाई अस्पताल लैजान एम्बुलेन्स छैन । जिल्ला अस्पतालमा आइसियू छैन । सरकार स्वास्य कार्यालयलाई गाडी दिएर बस्छ । यो अव्यवहारिक भएन र ?

कोरोनालाई प्राथमिकतामा राखिए पनि बजेट त्यसरी राखिएको छैन । राम्रो शब्द समायोजन र दक्षिणारुपी बजेट आएर हुँदैन । आहातमा राहत दिने खालको छैन ।

Advertisement

नेकपाका सांसदको समर्थनबाट बनेको सरकार हो, सरकार त जनताको हुनसक्नुपर्थ्याे तर त्यस्तो भएन । उचाइ ५ फिट ९ इन्चको मानिस, तौल ४५ किलो, ९ थरी दीर्घरोग भएको १५ किलो उठाउन नसकन्ने तर राम्रो बोल्न सक्ने मानिस जस्तो छ यो बजेट । चुनावी बजेट जस्तो आयो । प्राथमिकता पहिचान गर्न सकिएको छैन ।

कोरोनालाई प्राथमिकतामा राखिए पनि बजेट त्यसरी राखिएको छैन । राम्रो शब्द समायोजन र दक्षिणारुपी बजेट आएर हुँदैन । आहातमा राहत दिने खालको छैन । कोभिडबाट रोजगारी गुमाएकालाई रोजगारी दिनका लागि निकै थोरै बजेट विनियोजन गर्ने सरकारले सहकारी क्षेत्रका लागि भने राम्रो बजेट राखेको छ ।

साना सिँचाइको बजेट नाम मात्रको छ । होमस्टेलाई रमाउने मात्र होइन सिकाइ केन्द्रको रुपमा विकास गर्ने तर्फ सरकारले सोचेको छैन । व्यवसाय जीन रक्षा कोषमा पर्याप्त बजेट आउन सकेको छैन । महिला विपन्न युवा र बालबालिकालाई यसले समेट्न सकेको छैन । विषयमा समेटियो तर बजेटमा समेटिएन । विभिन्न जातजातिको सांस्कृतिक संरक्षणमा बेवास्ता गरिएको छ ।

पञ्चायतकालमा जस्ता प्रचारमुखी र शब्दमुखी छ कार्यक्रम ल्याइन्छ । राष्ट्रपति रनिङ सिल्ड मात्र होइन यहाँ त मुख्यमन्त्री कपहरु हुन थालेका छन् । बजेट कार्यान्वयन असम्भवमुखी छ । आम्दानीको स्रोत निकै कम छ । चालु खर्च बढाएर सरकारले राम्रो काम गरेन ।

गण्डकी प्रदेश सभामा बजेटमाथिकाे छलफलका क्रममा प्रदेश सभा सदस्य गुरुङले राखेकाे विचार ।