दीपक थापा

नेपाल जलस्रोतको धनी देश हो । जलविद्युत उत्पादन सुरु भएको १ सय वर्षभन्दा बढी भइसकेको छ । नेपालमा पानी प्रयोगबाट विद्युत बलेको बेला बाँकी संसारको अधिकांश भूभाग अन्धकार थियो । आज अन्य मुलुकमा रात र दिन एकै भइसकेको बेला नेपालमा अधिकांश भूभाग अँध्यारो बन्नु दुखदायी हो । यो अवस्था रहनुमा के यो सरकार र यहाँका सांसद र मन्त्रीको दोष हो । विगतका सत्तासीनहरुको दोष हो ।

समानुपातिक समावेशी अवधारणाबाट संविधानको कार्यदिशमा हामी अगाडि बढिराखेका छौं । यहाँको जलजमिन र जनशक्तिको उपयोग गर्ने कुरामा तत्कालीन शासकले संयोजन गर्न सकेनन् ।

पिउने पानीदेखि विद्युत, सिँचाइ, पर्यटन, शिक्षा स्वास्थ्य, सूचना र प्रविधिबारे गण्डकी प्रदेशको बजेट बनेको छ । कोरोना भाइरसको भयावहका बेला पनि ठिक ढंगले बजेट अगाडि बढेको छ । सकारात्मक पक्ष धेरै छन् ।

बजेट सही ढंगले अगाडि बढेको छ । गण्डकी प्रदेशमा ११ जिल्ला र ८५ स्थानीय तह अनि ३६ निर्वाचन क्षेत्र छन्, तिनलाई सन्तुलन गरेर बजेट आएको छ । रंगशाला, भवन, विद्युतको कुरा वा सिँचाइको कुराले सबैलाई समेटेको छ । कृषिमा मुख्यमन्त्री जलवायुमैत्री कुरालाई समेटेको छ । कार्यान्वयन गर्ने विषयमा केही अपुग भयो तर कार्यान्वयनमा खास कमी देखिन्न । एउटा भवन थिएन, सदन चलाउने ठाउँ थिएन, कर्मचारी थिएनन् । कानुन थिएन । तर हामीले प्रदेशको राजधानी र नाम राख्ने काम गर्‍यौं ।

योजना कार्यान्वयन गर्ने सवालमा ढिला गरेको भन्ने लाग्दैन । ठिक ढंगले अगाडि आएको छ । प्रदेशका गौरवका योजना, चाहे खानेपानी, सडक होस् निरन्तरता दिने सबैबाट राय सल्लाह लिएर यी अगाडि सारेको हो । कार्य नीति र प्राथमिकताअनुसारै आएको छ ।

गण्डकी प्रदेशसभामा आगामी आवकाे बजेटमाथिकाे छलफलका क्रममा शुक्रबार नेकपा सांसद थापाले राखेकाे विचार।