शिक्षाविद् एवं समाजसेवी अङ्गुरबाबा जोशीको ८९ वर्षको उमेरमा शनिबार निधन भएकाे छ । राजधानीको बाँसबारीस्थित न्युरो अस्पतालमा उनकाे निधन भएको हाे।

छातीमा संक्रमण देखिएपछि उनी ३ सातादेखि उनी न्युरो अस्पतालमा उपचाररत थिइन्।

जाेशी नेपालको पहिलो महिला क्याम्पस प्रमुख थिइन्।

१७ वर्षअघि घाँटीमा क्यान्सर देखिएपछि क्यान्सर लागेको भाग काटेर फाल्दा जोशीको अनुहार बांगिएको थियो।

त्यसपछि उनलाई स्तन क्यान्सरसमेत भएको पारिवारिक स्रोतले जनाएकाे छ ।

२०१९ सालमा राजा महेन्द्रले चार सदस्यीय संविधान मस्यौदा समिति गठन गर्दा जोशी एकल महिला सदस्यका रुपमा सहभागी थिइन्। उनकाे आजै अन्तिम संस्कार गरिने भएको छ।