एसके थकाली
जोमसोम

मुस्ताङको लोघेकर दामोदरकुण्ड गाउपालिका—३ याम्दामा आइतबार बिहान ट्याक्टर दुर्घटना हुँदा चालककाे मृत्यु भएकाे छ । लोघेकर दामोदरकुण्ड गाउँपालिकाको निर्माणाधीन कार्यालयको सामग्री लिन वारागुङ मुक्तिक्षेत्र—३ छुसाङतर्फ आउने क्रममा जोमसोम कोरला सडकबाट करिब ३० मिटर तल ग१ख ५४३५ नम्बरको ट्रयाक्टर खसेको हो ।

दुर्घटनामा बागलुङ जिल्ला घर भई लोघेकर दामोदरकुण्ड—१ मराङ बस्ने २६ वर्षे चाmलक झलक घर्तीमगरको मृत्यु भएको जिल्ला प्रहरी कार्यालय मुस्ताङले जनाएको छ ।

दुर्घटनापछि ट्याक्टरका चालकलाई अस्पताल ल्याएलगत्तै चिकित्सकले मृत घोषणा गरेको मुस्ताङका प्रहरी नायव उपरीक्षक नवीनकृष्ण भण्डारीले जानकारी दिए । चराङबाट छुसाङ आउने क्रममा सडक चिप्लो भई ट्रयाक्टर अनियन्त्रित हुँदा अचानक दुर्घटना भएको हुनसक्ने उनले बताए ।