योजना छनोटमा पक्षपात

समाधान संवाददाता २०७७ असार ९ गते ६:४०

पियारी थापा


बजेटका बेलामा पनि भनेको थिएँ यो सुन्तला मिठाइँ हो भनेको थिए । योजनाको किताब आउँदा त्यो झनै प्रमाणित भयो । यसलाई पनि सुन्तला मिठाइँको अर्को पार्टको रुपमा म लिन्छु । अभावका आधारमा भन्दा पनि प्रभावका आधारमा पक्षपात रुपमा योजना आएका छन् । योजना छनोटमा पक्षपात भएको छ । चुनाव केन्द्रित बजोट आएको छ ।

लोकको लागि भन्दा पनि चुनावकै लागि हो बजेट । मन्त्रीको जिल्ला गण्डकीमा पर्ने, अरु जिल्ला नपर्ने जस्तो भएको छ । योजना बाँडफाँट र बजेटले त्यही देखायो । कतै लेख्नै नसक्ने गरी बजेट पर्ने, कतै बजेट नपर्ने अवस्था देखियो ।

Advertisement

एउटै संस्थाले टेन्डर, अनुगमन र भुक्तानीको अधिकार दिइनु हुँदैन अलग्गै संरचना खडा गरिनुपर्छ । रकम भुक्तानीमा पनि निकै समस्या छ । डेढ वर्षको काम ६ महिना अघि नै सकेको छ भने त्यति बेला पनि भुक्तानी दिने पद्धति बसाल्नुपर्छ । मुख्य मन्त्रीकोमा ठूला कार्यक्रम राखिएको छ । पूर्वाधार कार्यक्रमका लागि जनशक्ति अभाव भयो भन्नेमा विचार गर्न अनुरोध गर्छु ।

जिल्ला समन्वय समितिलाई अनुगमनको जिम्मा दिइनुपर्छ ।
नीति तथा योजना आयोगको कार्यक्रम पोखराको ग्रान्ड होटलमा सिमित भयो । जिल्लामा पनि विस्तार गरिनुप¥यो । परम्परागत भन्दा पनि यथार्थमा आधारित योजना आयोगले बनाउनुपर्छ ।

Advertisement

विपद व्यववस्थापनका लागि भएको राहत कोषको रकम निकै कम छ । हामीले गुहार्दा रकम छैन भन्नुहुन्छ मन्त्रीज्यू । यो रकम थप गरेर जानुपर्छ । पोखराको ट्राफिक अवस्था चुस्त बनाइनुपर्छ । पार्किङ र सडक लाइट व्यवस्था गरिनुपर्छ ।

अर्थमन्त्रालयले करोड आम्दानी हुने र हजार आम्दानी हुनेलाई एकै खालका कर निर्धारण गर्न हुँदैन । राजश्व चुहावट रोक्न विषेश संयन्त्रको व्यवस्था गरिनुपर्छ ।

गण्डकी प्रदेश सभामा प्रस्तुत विनियाेजन विधेयकमाथि मन्त्रालयगत छलफलका क्रममा राजमाेका सांसद थापाले साेमबार बैठकमा राखेकाे विचार

तपाईको प्रतिक्रिया