समाधान स‌ंवाददाता

स्याङ्जा

आँधीखोला  गाउँपालिकाले आर्थिक वर्ष २०७७/७८ को नीति तथा कार्यक्रम र बजेट प्रस्तुत गरेको छ । गाउँपालिका उपाध्यक्ष शर्मिलादेवी पाैडेलले ४६ करोड ६ लाख ६० हजार बराबरको बजेट गाउँसभामा बुधबार पेस गरेकी छन् ।

भौतिक पूर्वाधारका कामहरू तीव्र गतिमा सञ्चालन भइरहेको स्याङ्जाको आँधीखोला गाउँपालिकाले पूर्वाधारको विकास मात्रै नभएर कोरोना महामारीको रोकथाम, नियन्त्रण, उपचार तथा क्वारेन्टाइन व्यवस्थापन को साथै रोजगार विहीन नागरिकहरूलाई लक्षित गरी रोजगार र कृषिमा जोड दिँदै आर्थिक वर्ष २०७७/७८ को नीति कार्यक्रम तथा वजेट सार्वजनिक गरेको छ ।

कृषि उद्योग पर्यटन एवम् श्रम मार्फत रोजगार सिर्जना गर्न रु ३ करोड ३४ लाख बजेट छुट्याएको छ । कुल बजेटको ४० प्रतिशत अर्थात् करिब १७ करोड बजेट भौतिक पूर्वाधार क्षेत्रमा विनियोजन गरेको आँधीखोला गाउँपालिकाले आगामी आर्थिक वर्षको सुरुवातमै सुविधा सम्पन्न प्रमुख प्रशासकीय भवनको काम सम्पन्न गर्ने लक्ष्य लिएको छ ।

पूर्वाधार विकासको बजेटमध्ये सबै वडा कार्यालयसम्म पुग्ने बाटो स्तरउन्नति एवमं पिच गर्ने नीति तथा कार्यक्रम रहेको गाउँपालिकाका अध्यक्ष सुधिर कुमार पौडेलले जानकारी दिनुभयो ।

गाउँपालिकाको वडा न ४ मा रहेको सेपत बाङ्सिङ पञ्चासे सडकको स्तरउनन्तिक लागि बहुवर्षीय कुल १० करोडमध्ये आगामी आर्थिक वर्षको लागि ४ करोड बजेट विनियोजन भएको गाउँपालिकाको उपाध्यक्ष पौडेलले बताइन् । वडा नं १ पञ्चमुल सिरुवारी जोड्ने सडक र वडा नं ३ मा फूलबारी पुवाँडाडा सडक खण्डको स्तरउन्तिको काम हाल तीव्र गतिमा भइरहेको छ भने वडा नं २ को वडा कार्यालय जोड्ने सडकको स्तरउन्नति तथा पिचको काम सम्पन्न भएको गाउँपालिकाले जनाएको छ ।

वडा नं १ र ३ मा नयाँ वडा कार्यालय भवन बनिसकेको छ भने हाल वडा नं ४ मा काम भइरहेको छ । त्यस्तै आगामी आर्थिक वर्ष वडा नं २ को वडा कार्यालय भवन निर्माण गर्न बजेट विनियोजन गरेको गाउँपालिकाले जनाएको छ । त्यस्तै अत्याधुनिक सुविधा भएको सपिङ कम्प्लेक्स सहितको बहुउद्देश्यीय सभाहल निर्माणकाे अन्तिम चरणमा छ ।

गाउँपालिकाले आगामी आर्थिक वर्षको बजेटमध्ये लुतर्फकोआर्थिक,  सामाजिक, सांस्कृतिक, सामाजिक,  सुशासन, न्याय तथा समानता, लैंगिक तथा समावेशीकरण एवं कार्यालय संचालन तथा प्रशासनिक तर्फ ७ करोड ३७ लाख, पुजीँगत खर्च तथा पूर्वाधार विकास, निर्माण तर्फ रु १८ करोड ५५ लाख र शशर्त कार्यक्रम तर्फ २० करोड १४ लाख बजेट विनियोजन गरेको गाउँपालिकाको उपाध्यक्ष शर्मिला देवी पौडेलले जानकारी दिइन् ।

गाउँपालिकाको शिक्षा क्षेत्रमा कुल वजेटको ३३ प्रतिशत अर्थात् १४ करोड ५० लाख वजेट बिनियोजन गरेको छ भने स्वास्थ्य तर्फ ३ करोड २८ लाख वजेट विनियोजन गरेको छ । नीति तथा कार्यक्रममा प्रस्तुत भएका गौरवका आयोजनाहरूलाई पूर्ण रुपमा सम्पन्न गर्ने वजेटले लक्ष्य लिएको छ। कोरोना रोकथाम, नियन्त्रण र उपचार एवम् क्वारेन्टाइन व्यवस्थापनको लागि रु ४० लाख बजेट विनियोजन गरेको छ । श्रमिकको लागि काम तथा रोजगारीको लागि ८१ लाख ९२ हजार बजेट विनियोजन गरेको छ । सिंचाइ खानेपानी , काठेपोल विस्थापन लगायत सामाजिक न्याय र समानता, समावेशिकरण,आर्थिक, सामाजिक , सास्कृतिक क्षेत्रको विकासमा वजेटले जोड दिएको छ । नीति तथा कार्यक्रम र बजेट आज नै पारित भएको छ ।