गण्डकीमा काेराेनाबाट १ सय १ जना निकाे

समाधान संवाददाता २०७७ असार १२ गते ७:०७

पाेखरा

गण्डकी प्रदेशमा शुक्रबार बिहानसम्म १ सय १ जना काेराेना संक्रमित उपचारपछि निकाे भएर घर फर्केका छन् ।

स्वास्थ्य निर्देशनालय गण्डकीले शुक्रबार बिहान विज्ञप्ति निकालेर गाेरखाकाे गण्डकी गाउँपालिकाका ५ पुरुष, गाेरखा नगरपालिकाका ३ पुरुष र १ महिला गरी जम्मा ९ जना निकाे भएर घर फर्केकाे जनाएकाे छ ।

निर्देशनालयले कोरोना संक्रमणको उपचार तथा ब्यबस्थापनमा अहोरात्र खटिने सम्पूर्ण स्वास्थ्यकर्मी, सुरक्षाकर्मी लगायतलाई धन्यवाद ज्ञापन गर्दै अन्य बिरामीहरुलाई पनि उच्च मनोबलका साथै धैर्यता राख्न अनुरोधका साथै शीघ्र स्वास्थ्यलाभको कामना गरेकाे छ ।

गण्डकी प्रदेशमा कोरोना संक्रमितको संख्या ७ सय ९२ पुगेको छ । शुक्रबार बिहान तनहु स्याङ्जा बागलुङ र नवलपुरमा गरी २५ जनामा संक्रमण पुष्टि भएकाे छ ।

 प्रदेशमा हालसम्म २ जना संक्रमितकाे मृत्यु भएकाे छ ।

तपाईको प्रतिक्रिया