गाँउ कार्यपालिकाको कार्यालय

कोवाङ, मुस्ताङ

नीति तथा कार्यक्रम

आ. व. २०७७।७८

१) सम्बन्धित सरोकारवालासँगको समन्वय तथा सहकार्यमा कृषि सम्बन्धी नीति कानुन तथा योजना निर्माण गरी कृषिको उत्पादन र उत्पादकत्व वृद्धि गरिनेछ साथै “विशेष स्थान विशेष कृषि उपज ” कार्यक्रमलाई लागु गरिनेछ ।

२) कृषि पूर्वाधारको विकास, साना तथा मझौला कृषि उद्यमशीलताको विकास, खाद्य स्वच्छता तथा गुणस्तर अभिवृद्धि गरिनेछ । निर्वामुखी खेती प्रणालीलाई व्यावसायिक खेती प्रणालीमा रुपान्तरण गरिनेछ ।कृषकलाई समयमा उन्नत बिउ, मल तथा कृषि प्रसार सेवा उपलब्ध गराइनेछ ।अर्गानिक खेती प्रवर्द्धन गरिनेछ ।

३)  प्रतिकारात्मक, प्रवर्द्धनात्मक, उपचारात्मक, पुनस्थापनात्मक लगायतका अधारभूत स्वास्थ्य सेवामा सबै पहुँच सुनिश्चित गरिनेछ ।

४)   सर्ने तथा नसर्ने रोग नियन्त्रण तथा जनस्वास्थ्य, विपद व्यवस्थापन पूर्वतयारी तथा प्रतिकार्यका लागि सामुदायिक स्वास्थ्य प्रणाली सहितका एकिकृत उपाय अवलम्बन गरिनेछ ।

५)  प्रारम्भिक बालविकास तथा शिक्षा कार्यक्रमलार्इ विद्यालय शिक्षाको अभिन्न अङ्गको रुपमा विकास गरी यसलार्इ सबै बालबालिकाको लागि अनिवार्य गरिनेछ ।

६)   अनिवार्य तथा नि: शुल्क शिक्षाको मापदण्डको आधारमा विद्यालय शिक्षामा समतामूलक पहुँच सुनिश्चित गरिनेछ ।

७)    युवाका लगि प्राविधिक शिक्षा तथा व्यावसायिक सीप विकासको अवसर र पहुँच सुनिश्चित गर्न व्यापक रुपमा प्राविधिक तथा व्यावसायिक शिक्षा र तालिम कार्यक्रमको विस्तार गरिनेछ ।

८)   धार्मिक, सांस्कृतिक एवम् पुरातात्विक सम्पदाहरुको संरक्षण र क्षतिग्रस्त संरचनाको पुनर्निर्माण गर्नुका साथै प्रवर्द्धन गरी पर्यटकीय उपजको रुपमा विकास गरिनेछ ।

९)  यस गाँउपालिका क्षेत्र भित्र रहेका प्रमुख पर्यटकिय गन्तव्य तथा नयाँ पर्यटकिय गन्तव्यको पहिचान गरि यस क्षेत्रमा पर्यटकको बसाई अवधि बढाउन पूर्वाधार निर्माणका साथै व्यापक प्रचारप्रसार गरिनेछ ।

१०)  प्राकृतिक प्रकोप तथा जलवायु प्रतिकूलताका कारण हुनसक्ने सम्भाव्य असर वा हानी नोक्सानीलार्इ न्यूनीकरण गर्न विपत प्रतिकार्य कार्ययोजना बनाइनेछ ।

११) विपद जोखिमको पूर्वानुमान, अनुगमन, पूर्वतयारी र प्रभावकारी प्रतिकार्य गर्न आवश्यक पूर्वाधार, जनशक्ति, क्षमता र प्रविधिको अबलम्वन गरिनेछ ।

१२)  गरिब घर परिवार पहिचान गरि वा पहिचान भएका गरिब लक्षित गरिवी निवारण योजना, कार्यक्रम तथा आयोजना तर्जुमा एवं कार्यान्वयन गरिनेछ ।

१३)  पूर्वाधार विकास र वातावरणबिच सन्तुलन कायम गर्न आवश्यक कानुन र संरचना निर्माण गरी वातावरणीय प्रभाव मुल्याङ्कनलार्इ पूर्वाधार विकासको अभिन्न अंग बनाइनेछ ।

१४) फोहेरमैला व्यवस्थापनका लागि समुदायस्तरको सहभागिता सहित नविन प्रविधिको अवलम्बन गरिनेछ ।

१५) स्थानियस्तरमा वोलिने थकाली भाषाको संरक्षण र सम्बर्द्धनको लागि विशेष कार्यक्रम ल्याइनेछ ।

१६) स्थानिय सडक, कृषि सडक तथा झोलुङ्गे पुलहरुको मर्मत तथा स्तरोन्नती गरिनेछ ।

१७) कालीगण्की नदी तथा अन्य साना नदिको तटिय क्षेत्रमा रहेका वस्तीहरुको सुरक्षा तथा संरक्षणको लागि तटबन्द निर्माणको कार्यलाई निरन्तरता दिइनेछ ।

१८) रासायानिक मल र किटनाशक विषादिको प्रयोगबाट मानव स्वास्थ्यमा बढ्दो जोखिम न्यूनिकरणका लागि जैविक प्रविधिको विकास र विस्तार गरिनेछ ।

१९) स्थानिय सरकार सञ्‍चालनलाई प्रभावकारी रुपमा सञ्‍चालन गर्न थप कानुनहरुको निर्माण गरिनेछ ।