पोखरा

बिहानी बचत तथा ऋण सहकारी संस्थाको १२ औं स्थापना दिवसको अवसरमा शनिबार पोखरामा भएको कार्यक्रममा ९२ युनिट रगत संकलन भएको छ ।

कार्यक्रम संयोजक तथा संस्थाका सञ्चालक देवीप्रसाद अधिकारीको अध्यक्षतामा भएको कार्यक्रममा क्षेत्रीय रक्तसञ्चार केन्द्रका प्रमुख अर्जुन ज्ञवाली उपस्थित थिए ।

संस्थाका अध्यक्ष धर्मराज भण्डारी, संस्थाका उपाध्यक्ष, पदाधिकारी, सञ्चालक, सल्लाहाकार लगायतले कार्यक्रममा सक्रिय सहभागिता जनाएका थिए ।

कार्यक्रम संयोजक अधिकारीले स्वागत गर्दै लकडाउनका बेला पोखरासहित मुलुकभर रगतको अभावका भएकाले सहकारीले रचनात्मक काम गरेर स्थापना दिवस मनाएको बताए ।

क्षेत्रीय रक्तसञ्चार केन्द्र कास्कीको प्राविधिक सहयोगमा संस्थाको प्रधान कार्यालय न्युरोड र सुइँखेत सेवा केन्द्र हेम्जामा रगत संकलन गरिएको संस्थाका सचिव सुजनबाबु अधिकारीले बताए ।