एग्बोसाले दियो स्वास्थ्य सामग्री

समाधान संवाददाता २०७७ असार १९ गते १६:०६


पोखरा, १९ असार


गण्डकी आवासीय विद्यालय भूतपूर्व विद्यार्थी संगठन एग्बोसाले पहिलो घेरामा खट्ने स्वास्थ्यकर्मीलाई लक्ष्य गरी आवश्यक स्वास्थ्य सामग्री वितरण गरेको छ ।


संस्थाले पोखरा स्वाथ्य विज्ञान प्रतिष्ठानलाई निर्देशक डा. अर्जुन आचार्यलाई २०० थान एन ९५ मास्क, ५० थान फेस सिल्ड, २ थान पेडल सेनिटाइजर हस्तान्तरण गरेको छ ।

मातृशिशु मितेरी अस्पतालमा मेसु डा प्रतिभा गौलीमार्फत १ सय थान एन९५ मास्क, १३ थान फेससिल्ड र एउटा पेडल सेनिटाइजर डिस्पेन्सर हस्तान्तरण भएको छ । बुधबार एग्बोसाले ती सामग्री हस्तान्तरण गरेको थियो ।


पर्वतको जिल्ला अस्पताल, बागलुङस्थित धौलागिरी अस्पताल, स्याङ्जा जिल्ला अस्पताल र कालिका सामुदायिक अस्पतालमा पनि एग्बोसाले स्वास्थ्य सामग्री २/२ सय थान मास्क हस्तान्तरण गरेको अध्यक्ष कमलबहादुर श्रेष्ठले जानकारी दिए ।

तपाईको प्रतिक्रिया