पाेखरा

म्याग्दीको धवलागिरी गाउँपालिकामा पहिरोमा पुरिएर ७ जना बपत्ता भएका छन्। पालिकाकाे वडा नम्बर ६ मराङको रिखामा शुक्रबार बिहान पहिराे गएकाे प्रहरीले जनाएकाे छ ।

घन्टिवाङबाट बिहानपख खसेकाे पहिराेमा परी २ परिवारका ७ जना बेपत्ता भएकाे स्थानीयलाई उद्धृत गर्दै म्याग्दी प्रहरीले जनाएकाे छ ।

पहिराेमा परी भीमप्रसाद जुग्जालीकाे परिवारका ४ र धनबहादुर जुग्जालीको परिवारका ३ जना बेपत्ता भएका छन् । घर पहिरोले बगाएको छ। भीमप्रसादको घरमा चार र धनबहादुरको घरमा तीन जना थिए।

घन्टिवाङका १३ परिवार पहिला नै पहिरोले विस्थापित भएका छन् । घन्टिवाङभन्दा तल रहेकाे रिखाका ६ मध्ये २ घर बगाएपछि ४ परिवार विस्थापित भएका छन् ।