राकेश शर्मा
म्याग्दी

अविरल वर्षाका कारण म्याग्दीमा हालसम्म २२ जना बेपत्ता भएका छन् । एक जनालाई खोलाले बगाएको छ ।

बेपत्ता हुनेहरुमा पश्चिम म्याग्दीको धौलागिरी गाउँपालिकाको मराङमा १२ जना छन् । त्यहाँ ४ वटा घर पूर्ण रुपमा क्षति पुगेको खबर छ । धौलागिरी गाउँपालिका–७, ताकममा २ जना पहिरोमा बेपत्ता भएका छन् ।

त्यस्तै मालिका गाउँपालिका–७ बिममा ८ जना बेपत्ता भएको प्रमुख जिल्ला अधिकारी ज्ञाननाथ ढकालले जानकारी दिए । उनका अनुसार मराङमा पनि ठूलो क्षति भएको खबर स्थानीयबासीले खबर गरे पनि प्रहरी घटना स्थलमा पुग्दै छन् ।

त्यस्तै मालिका गाउँपालिकाको ६ दुखुकी ३८ बर्षीय एक महिलालाई दुखु खोला पार गर्ने बेलामा खोलाले बगाएको मालिका गाउँपालिका अध्यक्ष श्रीप्रसाद रोकाले जानकारी दिए ।