समाधान संवाददाता, पोखरा ।

नेपाल सरकारले भारतीय मिडियाबाट प्रकाशन प्रसारण गरिएका समाचार सामाग्रीप्रति औपचारिक रुपमै आपत्ती जनाएको छ ।

नेपाल सरकरा परराष्ट्र मन्त्रालयले दिल्लीस्थि दूतावासमार्फत प्रोटेस्ट नोट पठाएको छ । परराष्ट्र मन्त्रालयको निर्देशन अनुसार नै नेपाली दुतावासले नोट भारतीय परराष्ट्र मन्त्रालयलाई प्रोटेस्ट नोट पठाएको बताइएको छ ।

परराष्ट्र मन्त्रालय स्रोतका अनुसार दिल्ली दूतावासले बिहीबार नै भारतीय परराष्ट्र मन्त्रालयमा नेपालको आपत्तीलाई औपचारिक रुपमा दर्र्ता गराएको बुझिएको छ ।

पछिल्लो समय नक्सा प्रकरणले नेपाल भारतको सम्बन्धमा दरार आएसँगै भारतीय सञ्चार माध्यमले आपत्ति जनक समाचार मुलक सामाग्री प्रकाशन प्रशारण गरिरहेका छन्।

नोटमा भारतीय सञ्चारमाध्यमका आधारहीन, बनावटी, गलत र असंवेदनशील सामग्री प्रसारण गरेको हुँदा त्यसले नेपाली जनता र नेपालको नेतृत्वको भावनामा चोट पु¥याएको उल्लेख छ।

न्यूनतम पेशागत मर्यादा र नेपाल तथा नेपालीको अपमान गर्ने सामाग्रीका कारण दुई देशबीचको परम्परागत घनिष्ट सम्बन्धलाई असर गरेको उल्लेख छ।