समाधान संवाददाता, पाेखरा

सार्वजनिक ठाउँमा बिना मास्क हिँडडुल गर्नेलाई सम्झाइबुझाइ गर्दा समेत अटेर गरेपछि कास्की प्रहरीले साेमबार १ सय २ जनालाई नियन्त्रणमा लिएर जरिवाना तिराएकाे छ ।

८८ पुरुष र १४ महिला गरी १ सय २ जनालाई जनही सय रुपैयाँ जरिवाना गरी छाडिएकाे कास्की प्रहरी प्रवक्ता एवं डिएसपी सुवास हमालले जानकारी दिए ।

संक्रामक राेग नियन्त्रण ऐन, २०२० बमाेजिम कारवाहीका लागि प्रहरीले प्रशासनमा बुझाएकाे थियाे ।

काेराेना भाइरसकाे संक्रमण फैलिरहेकाे अवस्था र लकडाउन खुकुलाे भएपछि बाहिर हिँडडुल गर्ने मानिसलाई गृहले अनिवार्य मास्ककाे प्रयाेग गर्न भनेकाे छ ।

सचेतना स्वरुप माइकिङ गर्ने, सम्झाइबुझाइ गर्दा अटेर गर्नेलाई गृहकाे निर्देशनअनुसार नै प्रहरीले कारवाही प्रक्रिया अघि बढाएकाे थियाे । यसअघि पनि पाेखरामा मास्क नलगाउने ४१ जनालाई प्रशासनले सय रुपैयाँ जरिवाना असुल गरिसकेकाे छ ।