समाधान संवाददाता
स्याङ्जा

अविरल वर्षासँगैको पहिरोले पुरिएर कालिगण्डकी गाउँपालिका ४ खहरेमा १ जनाको निधन भएको छ ।

पहिरोले पुरिएर ३ जना बेपत्ता भएका छन् भने १ वडा सदस्यसहित २ जना घाइते छन् ।

लगातारको वर्षासँगै गएको पहिरो हेर्ने क्रममा अर्को साइडबाट आएको पहिरोले छ जना पुरिएकोमा १ जनाको शव फेला पार्नुका साथै २ जनाको उद्धार गरेको हो ।

पहिरोबाट ७० वर्षीय इमानसिँह थापाको मृत्यु भएको हो भने अन्य ३ जना प्रेम चन्द्र पाण्डे, टीका थापा र गिमानसिँह थापा बेपत्ता छन् ।

पहिरोले वडा सदस्य होमनाथ पाण्डे र वीरबहादुर राना घाइते भएको वडाध्यक्ष चक्रपाणि पाण्डेले जानकारी दिए ।

वर्षासँगैको पहिरोका कारण पुतलीबजार नगरपालिका १ मा १ जना गम्भिर घाइते भएका छन् ।

सांकेतिक तस्बिर