स्याङ्जा, ३० असार

अर्जुन चौपारी ५ का १ वर्षे बालक कोरोना भाइरस संक्रमण मुक्त भएका छन् । बाबु र आमासँगै भारतको दिल्लीबाट जेठ ३२ गते आफ्नो गाउँ आएका बालकलाई असार १३ गते कारोना पोजेटिभ देखिएको थियो ।

दिल्लीबाट आएर वडाको सामुदायिक विद्यालयमा क्वारेन्टाइन बसेका बालकको असार ५ गते स्वाब लिइएको थियो । स्वाबको पिसिआर परीक्षणमा परिवारको बालकसहित १९ जनामा कोरोना पोजेटिभ भेटिएको थियो ।

छिमेकी सँगै संक्रमित भएर आइसोलेसन पुगेका एक वर्षे बालकको आइसोलेसनमा लिइएको पिसिआर टेस्टमा नेगेटिभ आएको हो । दूधेबालकमा कोरोना भेटिएपछि २२ वर्षीय आमा आरती परियार पनि छोरा सँगै कालिका सामुदायिक अस्पतालको आइसोलेसनमा गएकी थिइन् ।

आइसोलेसन बसेका बालक सँगै रही आमा आरतीको समेत पिसिआर परीक्षणमा कोरोना भाइरस नेगेटिभ आएको हो । श्रीमान र आफू सँगै आएका छोरालाई कोरोना देखिएपछि आइसोलेन गएर आपूm र सानो दूधे छोरा समेत नेगेटिभ नतिजा आएकोमा खुसी व्यक्त गरे ।

१ वर्षे बालक सँगै कालिका अस्पताको आइसोलेसनबाट २० जना र गल्याङ अस्पतालको आइसोलेसनबाट १३ जना गरी ३३ जना कोरोना मुक्त भएका छन् ।

कालिकाबाट कोरोना संक्रमण मुक्त हुने अर्जुन चौपारीका ११ जना, भीरकोटका चार, पुतलीबजार नगरपालिकाका ३, बिरुवा र गल्याङ १÷१ जना छन् । गल्याङ अस्पतालबाट निको हुनेमा ६ जना चापाकोट, ४ जना कालीगण्डकी, २ जना गल्याङ र १ जना आँधीखोलाका छन् ।

यहाँ १९३ कोरोनाा संक्रमित भएकोमा एक सय ६१ जना निको भएर घर फर्केका छन् ।

२ जनाको निधन भएको स्वास्थ्य कार्यालय स्याङ्जाका प्रमुख यामप्रसाद शर्माले जानकारी दिए । संक्रमितमध्ये कालिका अस्पतालमा १३ जना, कुँवर समाज घर वालिङ, १२ जना, करेन्डाँडा अस्पतालमा २ जना, चापाकोटमा २ जना र १ जना गल्याङ अस्पतालको आइसोलनमा छन् ।

विदेशबाट आउने पनि कम रहेकाले संक्रमितको संख्या घटेसँगै अब आइसोलेनमा बस्ने पनि १ हप्तामा २÷४ जना हुने शर्माले बताए ।

तस्बिर: कोरोना जितेपछि एक वर्षे बालक आमा सँग ।