पोखरा, ३० असार

कोभिड १९ रोकथाम र नियन्त्रण गर्न गण्डकी प्रदेश सरकारले स्थापना गरेको कोषमा सूर्य नेपाल प्रालिबाट १ करोड रुपैयाँ सहयोग गरेको छ । सूर्य नेपालका तर्फबाट वाणिज्य प्रमुख गौतम यादव कारखाना प्रमुख बाबुराम कार्कीले उक्त रकम मंगलबार मुख्यमन्त्री पृथ्वीसुब्बा गुरुङलाई हस्तान्तरण गरे ।

प्रदेश सरकारले खडा गरेको कोषमा यसरी आएको सहयोगमध्ये यो नै अहिलेसम्मकै ठूलो रकम भएको मुख्यमन्त्रीका प्रेस संयोजक विक्रम न्यौपानेले जनाए ।